Manifestacion dau 22 d’octòbre de 2005 a Carcassona

Anem ! Per la lenga occitana Òc !

La preservacion de la diversitat linguïstica es un pretzfach essenciau de menar dins las annadas que venen. Mas en França, la lei nos entraupa. Alaidonc, dins tots los país occitans, fau far eisir un temps jauvent per l’ensenhament de la linga e dins la linga, un environadis que duebra la pòrta a la creacion occitana, a la preséncia de l’occitan dins los medias, dins la vita publica e sociala. Tot quò ‘quí aisinará segur e balhará dau lanç a la transmission familiala de la lenga.

Los medias
Volem un servici public de radiò e de television en occitan.
Damandem una ajuda especifica per los operators privats (radiòs associativas, premsa, televisions) que trabalhen per la linga.

La creacion
Lo sosten a la creacion, quò passa per ‘na politica per l’edicion, lo teatre, las bravéias mai que mai, lo cinemà e la musica. Lo monde deven poder descubrir una cultura ben pro sarrada.

L’ensenhament
Fau que chascun poguessa chausir un ensenhament a sa mòda:
-un ensenhament en occitan (bilingue d’a meitat o en bonhar dedins), -un ensenhament de la lenga e de la cultura occitanas,
-un ensenhament per los beus. Quò vòu dire una politica d’òfra generalisada.

La vita publica
L’occitan deu se trobar present dins la vita publica:
-en respectar la toponimía (sinhalisacion bilinga),
-en encoratjar l’usatge de la linga dins los luòcs publics e dins la vita sociala.

Totas quelas damandas an per tòca de far viure una linga. S’adrecen au còp a las collectivitats localas occitanas (comunas, comunautats de comunas, despartaments e regions) e a l’Estat. Chascun deu arregir çò qu’es sos sa còpa. Qu’es a l’Estat de ‘dobar sa legislacion.

Tots a Carcassona lo 22 d’octobre de 2005 !

Bus au despart de Limòtges : (despart 7 h – retorn dins la nuech) :
adulte : 20 EUR / enfants, estudiants, chaumors : 15 EUR / familha : 50 EUR

Entresenhas e reservacions (d’urgencia) : ieo.lemosin@free.fr 05 55 98 28 90

http://www.manifestarperloccitan.com
entre-senhas : 06 86 00 66 39

Publicités

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s